La Xunta de Galicia aprueba inicialmente el Plan Básico Autonómico
12/01/2018
O Plan Básico Autonómico reflectirá as delimitacións das afeccións derivadas da lexislación sectorial que inciden sobre o territorio e incluirá os instrumentos de ordenación do territorio (plans e proxectos sectoriais de incidencia supramunicipal).
O PBA ven a complementar o novo marco urbanístico co que o goberno da Xunta pretende impulsar unha ordenación responsable e sostible do territorio, co propósito de garantir un territorio ordenado, sendo unha das ferramentas que se contemplan na Lei do solo e no seu Regulamento.
Este instrumento urbanístico resulta indispensable para plasmar sobre o territorio a complexa realidade da normativa sectorial así como a identificación dos asentamentos de poboación. Asemade, servirá como punto de partida para a posterior elaboración dos Plans Básicos Municipais para os concellos de menos de 5.000 habitantes e, como referencia para os Plans Xerais de Ordenación Municipal.
Unha vez aprobado definitivamente, virá a substituir ás Normas Complementarias e Subsidiarias de Planeamento provinciais aprobadas no ano 1991, que ata ese momento estarán en vigor.
O borrador do Plan Básico Autonómico, xunto co Documento Inicial Estratéxico foi avaliado polo órgano ambiental que, logo das consultas pertinentes, emitiu o Documento de Alcance. E, unha vez recollidas as apreciacións nel indicadas, elaborouse a versión do Plan Básico Autonómico para a súa aprobación inicial, que tivo lugar por Orde da Conselleira de Medio Ambiente e Ordenación do Territorio de 14 de decembro de 2017.
Unha vez publicada esta Orde, sométese a información pública por un prazo de dous meses, garantindo así a participación real e efectiva de toda a cidadanía no seu procedemento de elaboración.
Para más información y descargas de archivos, puedes consultar estos enlaces:
http://mapas.xunta.gal/actualidade?content=actualidade0064.html